दिल्लीमा वायु प्रदूषण रोक्न नयाँ प्रतिबन्ध, पार्किङ शुल्क दोब्बर

भारतको राजधानी नयाँदिल्लीमा वायु प्रदूषण घटाउन आइतबारदेखि सवारी पार्किङ शुल्क दोब्बर बनाइएको छ। सरकारी र निजी कार्यालयका कर्मचारीलाई घरैबाट काम गर्न निर्देशन दिइएको छ। सवारीसाधनको उत्सर्जन घटाउनु नै यी उपायको मुख्य लक्ष्य रहेको अधिकारीहरूले बताएका छन्।

तोकिएको उत्सर्जन मापदण्ड पूरा नगर्ने गाडीलाई राजधानीभित्र छिर्न दिइने छैन। धुलो उडाउने गरी भवन भत्काउने काम र खुला ठाउँमा हुने निर्माणमा तत्काल रोक लगाइएको छ। मुख्यमन्त्री रेखा गुप्ताको कार्यालयको विज्ञप्तिअनुसार नोभेम्बर १ देखि दिल्लीमा शीतकालीन कार्ययोजना लागू भएको छ।

यो योजनामा प्रदूषण नियन्त्रणका कडा उपाय, प्रभावकारी कार्यान्वयन र चौबिसै घण्टा निगरानीको व्यवस्था गरिएको छ।