जसपा नेपालका चार नेताको सामूहिक राजीनामा, 'हुंकार मधेश' अभियानमा जोडिने

उपेन्द्र यादव नेतृत्वको जनता समाजवादी पार्टी (जसपा) नेपालका चार नेताले पार्टीबाट सामूहिक राजीनामा दिएका छन्।

पूर्वसंघीय सांसद इन्दुकुमारी शर्मासहित चार जनाले राजीनामा दिएका हुन्। उनीहरूले पार्टीको साधारण सदस्यसमेत नरहने गरी सम्पूर्ण जिम्मेवारी छोडेका छन्।

राजीनामा दिएका यी नेता अब 'हुंकार मधेश' अभियानमा जोडिने जनाइएको छ।

जसपा नेपालका यी चार नेताले पार्टीमा आफूसँग रहेका सबै जिम्मेवारी र साधारण सदस्यता एकैपटक छोडेका हुन्।