सुन र चाँदीको मूल्यमा सामान्य वृद्धि

नेपाली बजारमा बुधबार सुन र चाँदी दुवैको मूल्य बढेको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ सय रुपैयाँले बढेर ३ लाख २ हजार ३ सय रुपैयाँ कायम भएको छ। मंगलबार यही सुन प्रतितोला ३ लाख २ हजार २ सय रुपैयाँमा कारोबार भएको थियो।

चाँदीको मूल्य प्रतितोला ४० रुपैयाँले बढेको छ। महासंघका अनुसार चाँदी अहिले प्रतितोला ४ हजार ८ सय १५ रुपैयाँमा किनबेच भइरहेको छ, अघिल्लो दिन यो मूल्य ४ हजार ७ सय ७५ रुपैयाँ थियो। दस ग्राम छापावाल सुनको मूल्य २ लाख ५९ हजार १ सय ७५ रुपैयाँ र दस ग्राम चाँदीको मूल्य ४ हजार १ सय २८ रुपैयाँ कायम भएको छ।

सुनको मूल्यमा केही दिनयता उतारचढाव देखिएको छ। मंगलबार मात्रै सुन प्रतितोला १ हजार ७ सय रुपैयाँले घटेको थियो भने सोमबार यसको मूल्य ३ लाख ३ हजार ९ सय रुपैयाँ पुगेको थियो। अन्तर्राष्ट्रिय बजारमा सुन प्रतिऔंस करिब ४ हजार ३ सय ४४ अमेरिकी डलर र चाँदी प्रतिऔंस करिब ६६ डलरमा कारोबार भइरहेको महासंघले जनाएको छ।