जी–सेभेनले भण्डारबाट १० करोड ब्यारेल तेल निकाल्ने

जी–सेभेन राष्ट्रहरूले आफ्नो सञ्चित भण्डारबाट १० करोड ब्यारेल तेल बजारमा पठाउने सहमति गरेका छन्। यसमा कच्चा तेल र डिजेल दुवै पर्नेछन्। अमेरिकी राष्ट्रपति डोनाल्ड ट्रम्पले चेतावनी दिएपछि यो निर्णय आएको हो।

अमेरिकासहित विश्वका ठूला अर्थतन्त्र रहेको यो समूहले आगामी दिनमा डिजेलको आपूर्ति पर्याप्त रहने सुनिश्चित गर्ने जनाएको छ। तर कुन देशले कति परिमाण छोड्ने भन्ने टुङ्गो लागिसकेको छैन। कुल परिमाणमा डिजेल र कच्चा तेलको हिस्सा कति हुने भन्ने पनि अझै खुलेको छैन।

जी–सेभेनमा अमेरिका, बेलायत, फ्रान्स, जर्मनी, इटाली, जापान र क्यानडा सदस्य छन्।