एसियाड क्रिकेट: नेपाल शुक्रबार अफगानिस्तानसँग, शनिबार जापानसँग

एसियाली खेलकुदको क्रिकेटमा नेपाली टोलीले शुक्रबार अफगानिस्तान र शनिबार जापानसँग खेल्नेछ। प्रतिस्पर्धाका लागि नेपाली टोली जापान पुगिसकेको छ। एसियाडअघि भारतसँग टी–ट्वान्टी शृङ्खला खेलेको जापानले कडा चुनौती प्रस्तुत गरेको छ।

वर्षाका कारण ढिलो सुरु भई ५ ओभरमा खुम्च्याइएको खेलमा भारतले ४ विकेट गुमाउँदै ३२ रन बनायो। कप्तान श्रेयस ऐय्यरले सर्वाधिक १६ रन बनाए भने सञ्जु सामसनले ९ र इशान किसनले ३ रन जोडे। अभिषेक शर्मा खाता नखोली फर्किए।

जापानका लागि चार्ली हार-हिन्जेले सर्वाधिक २ विकेट लिए भने इब्राहिम ताकाहासी र बेन्जामिन इटो पनि विकेट लिनेमा परे। उक्त खेल सानो अन्तर्राष्ट्रिय मैदानमा भएको थियो। लक्ष्यको नजिक पुगेको जापान २ रनले मात्र पराजित भएको छ।

वरीयतामा नेपालभन्दा निकै पछि रहेको जापानको यो प्रदर्शनले शनिबारको खेल सहज नहुन सक्ने सङ्केत गरेको छ। अन्य खेलमा निराशाजनक नतिजा आइरहेकाले नेपालको आशा क्रिकेटमा बाँकी रहेको छ।