आप्रवासीलाई तेस्रो देश पठाउने ट्रम्प प्रशासनको नीतिलाई अमेरिकी सर्वोच्चको अस्थायी अनुमति

अमेरिकी सर्वोच्च अदालतले आप्रवासीलाई उनीहरूको आफ्नै देशबाहेक अन्य तेस्रो देशमा निर्वासन गर्ने राष्ट्रपति डोनाल्ड ट्रम्प प्रशासनको कार्यक्रम फेरि सुरु गर्न अनुमति दिएको छ।

तल्लो अदालतले तेस्रो देशमा निर्वासनसम्बन्धी यो नीतिमा रोक लगाएको थियो। सर्वोच्च अदालतले त्यही नीतिलाई अस्थायी रूपमा फेरि लागू गर्न अनुमति दिएको हो।

सर्वोच्च अदालतको यो आदेशपछि अमेरिकामा रहेका आप्रवासीलाई तेस्रो देश पठाउने बाटो अहिलेका लागि खुलेको छ। अब ट्रम्प प्रशासनले आप्रवासीलाई उनीहरूकै देशमा मात्र नभई अन्य देशमा पनि निर्वासन गर्न सक्नेछ।

सर्वोच्च अदालतले दिएको यो अनुमति अस्थायी हो।