कांग्रेसको नयाँ केन्द्रीय समितिमा चिकित्सक र इन्जिनियरको बाक्लो उपस्थिति

नेपाली कांग्रेसको १५औँ महाधिवेशनबाट गगनकुमार थापाको नेतृत्वमा चुनिएको केन्द्रीय कार्यसमितिमा चिकित्सक र इन्जिनियरको सङ्ख्या उल्लेख्य छ। सञ्चारमाध्यममा आएका विवरणअनुसार नयाँ समितिमा करिब ३० जना चिकित्सक र करिब १५ जना इन्जिनियर निर्वाचित भएका छन्। केही सञ्चारमाध्यमले भने चिकित्सकको सङ्ख्या २९ उल्लेख गरेका छन्।

पार्टीले विशेष महाधिवेशनपछि विधानमा संशोधन गरेर पेशाकर्मी र विषयविज्ञलाई केन्द्रीय समितिमा ल्याउने नीति अपनाएको थियो। विषयगत समूहबाहेक खुला प्रतिस्पर्धा र समावेशी समूहबाट पनि चिकित्सक तथा इन्जिनियर समितिमा पुगेका छन्। पदाधिकारी तहमा उपसभापतिमा डा.

चन्द्रकान्त भण्डारी र इन्जिनियर मधु आचार्य निर्वाचित हुनुभएको छ। महामन्त्रीमा डा. डिला संग्रौला (पन्त) र मुस्लिमतर्फ सहमहामन्त्रीमा डा.

मोहम्मद फिरदोश आलम चुनिनुभएको छ। खुला प्रतिस्पर्धाबाट डा. कृष्णप्रसाद पौडेल, डा.

मुक्तिराम श्रेष्ठ, प्रा.डा. गोविन्दराज पोखरेल, डा. शोभाकर पराजुली र डा.

सुरज राज काफ्ले केन्द्रीय सदस्य बन्नुभएको छ। इन्जिनियरतर्फ ऋषि कोइराला, दीपकबाबु कँडेल, मोहन आचार्य, नवराज त्रिपाठी र अमृत ज्ञवाली केन्द्रीय सदस्यमा चुनिनुभएको छ। यसबाट पार्टीको नेतृत्व र निर्णय तहमा प्राविधिक तथा प्राज्ञिक क्षेत्रको प्रतिनिधित्व बढेको सञ्चारमाध्यमहरूले उल्लेख गरेका छन्।