काम नगरेको भन्दै मंगलसेन जोड्ने सडकको ठेक्का तोडियो, ३८ करोड २३ लाख दाखिला गर्न पत्राचार

अछाम सदरमुकाम मंगलसेनलाई ग्रामीण क्षेत्रसँग जोड्ने निर्वाचन क्षेत्र रणनीतिक सडक खण्डको काम समयमा नसकेपछि ठेकेदारको ठेक्का तोडिएको छ।

उक्त सडक खण्डको ठेक्का सम्झौता २०७९ वैशाख १६ गते भएको थियो। काम सक्न २०८३ वैशाख १६ सम्म म्याद थप गरिएको थियो, तर त्यो अवधिमा पनि काम पूरा भएन। त्यसपछि ठेक्का तोडिएको हो।

ठेक्का तोड्ने बेलासम्म सडकको भौतिक प्रगति १९ दशमलव ८३ प्रतिशत मात्र पुगेको थियो।

ठेक्का तोडिएसँगै ३८ करोड २३ लाख रुपैयाँ दाखिला गर्न पत्राचार गरिएको छ।