बालबालिका, गर्भवती र सुत्केरीलाई इनर्जी ड्रिङ्क्स सेवन नगर्न सरकारको आग्रह

स्वास्थ्य तथा खाद्य स्वच्छता मन्त्रालयअन्तर्गतको खाद्य प्रविधि तथा गुण नियन्त्रण विभागले बालबालिका, गर्भवती तथा सुत्केरी महिलालाई इनर्जी ड्रिङ्क्स सेवन नगर्न आग्रह गरेको छ।

विभागले मधुमेहलगायतका रोग भएका व्यक्ति र क्याफिनप्रति संवेदनशील व्यक्तिलाई पनि इनर्जी ड्रिङ्क्स सेवन नगर्न आग्रह गरेको हो।

विभागले इनर्जी ड्रिङ्क्सको सुरक्षित उपभोगबारे उपभोक्ता, उत्पादक तथा सरोकारवालालाई जानकारी गराउँदै यस्तो आग्रह गरेको हो। इनर्जी ड्रिङ्क्स सेवन गर्न मिल्ने व्यक्तिलाई समेत विभागले सचेत गराएको छ।