चीनले अमेरिकी वस्तुमाथिको २४ प्रतिशत अतिरिक्त भन्सार शुल्क थप दुई महिना स्थगित गर्‍यो

चीनले संयुक्त राज्य अमेरिकाबाट आयात हुने वस्तुमाथि लगाइएको २४ प्रतिशत अतिरिक्त भन्सार शुल्कको निलम्बन थप दुई महिनाका लागि जारी राख्ने निर्णय गरेको छ।

चीनको राज्य परिषद्अन्तर्गतको भन्सार शुल्क आयोगले सोमबार यस्तो निर्णय सार्वजनिक गरेको हो।

आयोगका अनुसार नयाँ व्यवस्था नोभेम्बर १० देखि लागू हुनेछ। यो निर्णयअनुसार अमेरिकी वस्तुमा २४ प्रतिशत अतिरिक्त शुल्क आगामी दुई महिनासम्म लाग्ने छैन।

चीन र अमेरिकाबीचको व्यापारमा लगाइएका अतिरिक्त शुल्कसम्बन्धी व्यवस्थामा यो निर्णयले अमेरिकी आयातकर्ता वस्तुलाई अस्थायी राहत दिएको छ।