इजिप्टमा दुई रेल ठोक्किँदा कम्तीमा चार जनाको मृत्यु, ८८ घाइते

इजिप्टको राजधानी कायरोको दक्षिणमा पर्ने गिजा प्रान्तमा आइतबार दुई रेल एकआपसमा ठोक्किँदा कम्तीमा चार जनाको मृत्यु भएको छ। दुर्घटनामा ८८ जना घाइते भएका छन्।

दुर्घटनामा कैयौं यात्रु घाइते भएको इजिप्टको राष्ट्रिय रेलवे प्राधिकरणले जनाएको छ। अधिकारीहरूले कम्तीमा चार जनाको मृत्यु भएको र दर्जनौं घाइते भएको बताएका छन्।

दुर्घटना कायरो–आस्वान रेलमार्गको गिजा–फायुम खण्डमा भएको हो।