कान्ति लोकपथमा खसेको पहिरो हटाइयो, २७ ठाउँमा जोखिम भएकाले रात्रिकालीन यात्रामा रोक

कान्ति लोकपथमा खसेको पहिरो हटाएर रोकिएका सवारीसाधनलाई गन्तव्यतर्फ पठाइएको छ। पहिरोका कारण सडकमा सवारीसाधन रोकिएका थिए।

पहिरो पन्छाइए पनि जोखिमलाई ध्यानमा राख्दै रातको समयमा सवारीसाधन सञ्चालनमा रोक लगाइएको कान्ति लोकपथ आयोजनाले जनाएको छ।

वर्षाका कारण सडकका २७ स्थानमा पहिरोको उच्च जोखिम कायमै रहेको छ। सम्भावित दुर्घटना रोक्न रातको समयमा सवारी सञ्चालनमा पूर्ण रोक लगाइएको हो।

तीन दिनदेखि परिरहेको लगातारको वर्षाका कारण देशका विभिन्न भागमा सडक अवरुद्ध हुने र पहिरोको जोखिम बढ्ने क्रम जारी छ।