प्रथम राष्ट्रपति डा. रामवरण यादवले पुर्ख्यौली गाउँ सपहीमा मनाए दसैँ

प्रथम राष्ट्रपति डा. रामवरण यादवले यस वर्षको बडादसैँ आफ्नो पुर्ख्यौली गाउँमा मनाएका छन्। उनले धनुषाको सपही पुगेर परिवार र दाजुभाइसँगै दसैँ मनाएका हुन्।

बडादसैँका अवसरमा पूर्वराष्ट्रपति डा. यादव मङ्गलबार धनुषा पुगेका थिए। त्यसपछि उनले पुर्ख्यौली गाउँ सपहीमा परिवारका सदस्य र आफन्तसँगै दसैँ बिताएका हुन्।

बुधबार विजयादशमी परेकाले देशभर मान्यजनको हातबाट टीका, जमरा र आशीर्वाद लिने क्रम चलिरहेको छ। यही बेला पूर्वराष्ट्रपति यादवले पनि राजधानीबाहिर आफ्नो गाउँमा परिवारसँग चाड मनाएका छन्।

डा. यादव नेपालका प्रथम राष्ट्रपति हुन्।