नेतृत्वको सार्वजनिक आलोचना गर्नेलाई सिधै कारबाही गर्ने एमालेको चेतावनी

नेकपा एमालेले पार्टी नेतृत्वको सार्वजनिक आलोचना गर्ने नेता–कार्यकर्तालाई सिधै कारबाही गर्ने चेतावनी दिएको छ। पार्टीले यसका लागि अन्तरपार्टी निर्देशन जारी गरेको छ।

निर्देशनमा पार्टीको नीति, निर्णय र नेतृत्वको सार्वजनिक रूपमा आलोचना, विरोध वा अपमान गर्ने नेता–कार्यकर्तामाथि कारबाही गरिने उल्लेख छ। यो निर्देशनमार्फत पार्टीभित्र अनुशासन कडाइका साथ लागु गर्न खोजिएको छ।

सेतोपाटीका अनुसार यस विषयमा केन्द्रीय कमिटी बैठकलाई 'कटअफ' मानिने छ।

निर्देशनपछि एमाले नेतृत्व अनुशासनको विषयमा अझ कडा बन्ने देखिएको अनलाइनखबरले जनाएको छ।