अमेरिकाले तीन वर्षपछि पहिलोपटक ब्याजदर बढाएको छ। मूल्यवृद्धिको गति सुस्त बनाउन यस्तो कदम चालिएको हो। राष्ट्रपति ट्रम्पको विरोधका बाबजुद ब्याजदर वृद्धि गरिएको छ।

अमेरिकामा तीन वर्षभन्दा बढी समयपछि पहिलोपटक ब्याजदर बढाइएको छ। बढ्दो मूल्यवृद्धिको गति सुस्त बनाउन यस्तो कदम चालिएको हो। फेडरल रिजर्भले ब्याजदर बढाएर करिब ४ प्रतिशत पुर्‍याएको छ।

राष्ट्रपति डोनाल्ड ट्रम्पले ब्याजदर घटाउन निरन्तर माग गर्नुभएको थियो। ट्रम्पको विरोधका बाबजुद फेडरल रिजर्भले सर्वसम्मत निर्णय गरेको हो। फेडका अध्यक्ष केभिन वार्सले यो गम्भीर र जिम्मेवार निर्णय भएको बताउनुभएको छ।

मुद्रास्फीति धेरै उच्च भएको र लामो समय यस्तै रहेकाले कदम चालिएको उहाँको भनाइ छ। घोषणापछि ट्रम्पले वार्सप्रति समर्थन व्यक्त गरे पनि फेड बोर्डप्रति असन्तुष्टि जनाउनुभएको छ। उच्च ब्याजदरले ऋण लिन चाहनेका लागि कर्जा महँगो बनाउँछ।

तर बचतमा भने राम्रो प्रतिफल दिन सक्ने बताइएको छ। पत्रकार सम्मेलनमा बोल्दै वार्सले मुद्रास्फीति अझै समस्याकै रूपमा रहेको बताउनुभएको छ।