संवेदनशील सूचना चुहाएको आरोपमा सशस्त्र प्रहरीका एआईजी वंशीराज दाहाल निलम्बित

गृह मन्त्रालयले सशस्त्र प्रहरी बलका अतिरिक्त महानिरीक्षक (एआईजी) वंशीराज दाहाललाई निलम्बन गरेको छ। सुरक्षासँग सम्बन्धित संवेदनशील सूचना चुहावट गरी पदीय आचरणविपरीत काम गरेको आरोपमा मन्त्रालयले उनलाई सोमबार पदबाट निलम्बन गरेको हो।

गृह मन्त्रालयका प्रवक्ता आनन्द काफ्लेले विज्ञप्ति जारी गरी निलम्बनको जानकारी दिएका छन्। नेपाल प्रेसका अनुसार एआईजी दाहालमाथि चोलेन्द्रशमशेर पक्राउसम्बन्धी सूचना चुहावट गरेको आरोप छ।

रातोपाटीका अनुसार यस विषयमा मन्त्रालयले समितिसमेत गठन गरेको छ।

सशस्त्र प्रहरी बलको उच्च तहका अधिकारीलाई सुरक्षा सूचना चुहावटको आरोपमा निलम्बन गरिएको यो घटनाबारे थप विवरण सार्वजनिक भएको छैन।