मोरङ–६ विवाद: कांग्रेसले संयोजक फेर्‍यो, अधिवेशनस्थल सारियो

नेपाली कांग्रेसको मोरङ क्षेत्र नम्बर ६ मा रोकिएको क्षेत्रीय अधिवेशन अघि बढाउन पार्टीले नयाँ संयोजक तोकेको छ। केन्द्रीय कार्यालयले जिल्ला सहसचिव सञ्जयकुमार मण्डललाई संयोजकको जिम्मेवारी दिएको छ। महामन्त्री प्रदीप पौडेलले बिहीबार यसबारे पत्र पठाउनुभएको छ।

पत्रअनुसार मण्डलले पार्टी विधान र जिल्ला कार्यसमितिको निर्णयबमोजिम निर्वाचन समितिसँग समन्वय गरी अधिवेशन सम्पन्न गर्नुपर्नेछ। यसअघि नेता चुमनारायण तबदार क्षेत्रीय संयोजक हुनुहुन्थ्यो। बुधबार सुन्दरहरैंचा–४ मा अधिवेशन सुरु हुनुअघि नै विवाद भएपछि प्रक्रिया रोकिएको थियो।

अब अधिवेशनस्थल बुढीगंगा गाउँपालिका–३ बाँसबारीस्थित राजवंशी खवास सामुदायिक भवनमा सारिएको छ। त्यहाँ शुक्रबारदेखि निर्वाचन प्रक्रिया सुरु हुनेछ। सहमहामन्त्री डा.

डिला संग्रौलाले संयोजक र स्थान दुवै परिवर्तन भएको जानकारी दिनुभएको छ। मोरङका अन्य पाँच क्षेत्रमा भने अधिवेशन सम्पन्न भइसकेको छ। मोरङ–६ नेता डा.

शेखर कोइरालाको निर्वाचन क्षेत्र हो। कोइराला एकता महाधिवेशनको पक्षमा रहेकाले दुवै महाधिवेशन प्रक्रियाबाट तटस्थ रहेको र घटनासँग उहाँको कुनै संलग्नता नरहेको स्पष्ट पारिएको छ।