दक्षिण अफ्रिकाविरुद्धको टेस्टमा म्याडिन्सन ३३ बल खेलेर शून्यमा आउट

अस्ट्रेलियाका ओपनर निक म्याडिन्सन दक्षिण अफ्रिकाविरुद्ध डरबनमा जारी पहिलो टेस्टमा ३३ बल खेलेर पनि शून्यमा आउट हुनुभएको छ। बलअनुसारको विवरण उपलब्ध टेस्ट इतिहासमा शून्यमा आउट हुने अस्ट्रेलियाली ओपनरमध्ये उहाँले सबैभन्दा धेरै बल खेल्नुभएको छ। उहाँले करिब ४९ मिनेट क्रिजमा बिताए पनि खाता खोल्न सक्नुभएन। मार्को यान्सेनको बलमा कट सट खेल्न खोज्दा उहाँ आउट हुनुभयो। क्यामरन ग्रीन घाइते भएपछि टोलीमा परेका म्याडिन्सन सन् २०१६ पछि पहिलोपटक अस्ट्रेलियाको टेस्ट टोलीमा फर्किनुभएको छ।