आईजीपीबाट हटाइएका दानबहादुर कार्कीको रिट सर्वोच्चमा अध्ययनकै क्रममा, दर्ता भएन

नेपाल प्रहरीको महानिरीक्षक (आईजीपी) मा मनोजकुमार केसीलाई नियुक्त गर्ने सरकारको निर्णयविरुद्ध निवर्तमान आईजीपी दानबहादुर कार्कीले पेस गरेको रिट निवेदन सर्वोच्च अदालतमा अध्ययनको क्रममा छ। रिट अझै दर्ता भइसकेको छैन।

कार्कीले आईजीपी पदमा पुनर्बहालीको माग गर्दै रिट पेस गरेका हुन्। सर्वोच्चमा यसबारे छलफल भइरहेको छ र आज रिट दर्ता हुने सम्भावना रहेको बताइएको छ।

आज पनि रिट दर्ताको टुंगो नलागे तिहारअघि यसको सुनुवाइ हुने सम्भावना रहने छैन। अदालत कात्तिक २७ गते मात्रै खुल्ने भएकाले त्यसपछि मात्र रिट पेसीमा चढ्नेछ।