विपद् पुनर्निर्माणका लागि ५ अर्ब डलर जुटाउने तयारी

अर्थमन्त्री डा. स्वर्णिम वाग्लेले भोटेकोशी–त्रिशूली विपद्पछिको पुनर्निर्माणमा करिब ४.७ देखि ५ अर्ब अमेरिकी डलर लाग्ने प्रारम्भिक अनुमान सार्वजनिक गर्नुभएको छ। यो रकम जुटाउन सरकारले दातृ राष्ट्र र संस्थासँग कूटनीतिक पहल थालेको छ।

लक्ष्यअनुसार झन्डै ८० प्रतिशत स्रोत भारत, चीन, विश्व बैंक र एसियाली विकास बैंकबाट ल्याइनेछ। हानि तथा नोक्सानी कोषबाट करिब २ करोड अमेरिकी डलर अनुदान पाउने तयारी छ। अर्थमन्त्रीले पुनर्निर्माणको काम बजेटको सीमाभित्रै रहेर गरिने प्रतिबद्धता जनाउनुभएको छ।

तर चालु आर्थिक वर्षमा अपेक्षित अनुदान आउन पनि कठिन भएको उहाँले संसदीय विशेष समितिमा बताउनुभएको छ। रसुवासहितका बाढी प्रभावित नागरिक भने चाडपर्वमा पनि अभावमै छन्।