कृष्णनगरका २६१ परिवारले पाए गाउँब्लक जग्गाको लालपुर्जा

कपिलवस्तुको कृष्णनगर नगरपालिकाका २६१ परिवारले लामो समयको प्रतीक्षापछि गाउँब्लक जग्गाको जग्गाधनी दर्ता प्रमाणपुर्जा (लालपुर्जा) प्राप्त गरेका छन्।

उनीहरूले लामो समयदेखि भोगचलन गर्दै आएको जग्गाको कानुनी स्वामित्व प्रमाणित हुने लालपुर्जा पाएका हुन्। जग्गा भोगचलन गरे पनि यसअघि उनीहरूसँग त्यसको कानुनी स्वामित्वको प्रमाणपुर्जा थिएन।

लालपुर्जा पाएपछि स्थानीयवासी खुसी भएका छन्। लामो समयदेखि लालपुर्जाको प्रतीक्षामा रहेका परिवारले अब आफूले भोगचलन गर्दै आएको जग्गाको कानुनी स्वामित्व पाएका छन्।

नगर प्रमुख शाहले नगरपालिकाभित्रका बाँकी गाउँब्लक जग्गाधनीलाई पनि क्रमशः प्रमाणपुर्जा दिने काम जारी रहने बताए। ‘नगरपालिका भित्र रहेका गाउँब्लक जग्गाधनी सबैलाई क्रमशः प्रमाणपुर्जा उपलब्ध गराउनेलाई निरन्तरता दिइनेछ,’ नगर प्रमुख शाहले भने।