काठमाडौं उपत्यकामा वायु प्रदूषण बढ्दै, आइतबारसम्म अस्वस्थकर रहने

काठमाडौं उपत्यकामा वायु प्रदूषणको स्तर बढ्दै गएको छ। सुक्खा मौसम सुरु भएसँगै उपत्यकाका विभिन्न क्षेत्रमा वायु गुणस्तर अस्वस्थकर तहमा पुगेको हो।

शुक्रबार पनि उपत्यकाको वायु गुणस्तर अस्वस्थकर अवस्थामै रहेको छ। वायु गुणस्तरमा आइतबारसम्म सुधार नहुने र प्रदूषण अस्वस्थकर तहमै रहने पूर्वानुमान गरिएको छ।

वर्षा नहुने सुक्खा मौसम सुरु भएपछि उपत्यकामा प्रदूषण बढ्न थालेको हो। सोही कारण उपत्यकाका विभिन्न भागमा वायु गुणस्तर अस्वस्थकर देखिएको हो।