उदयपुरमा ट्रकबाट ७ हजार ८२६ किलो गाँजा बरामद

सशस्त्र प्रहरी बल, नेपालको इन्टेलिजेन्स ब्युरोले उदयपुरबाट ठूलो परिमाणमा प्रतिबन्धित लागुऔषध गाँजा बरामद गरेको छ।

ब्युरोको विशेष सूचनाका आधारमा खटिएको सशस्त्र प्रहरीको टोलीले कात्तिक १५ गते आइतबार साँझ उदयपुरको बेलका नगरपालिका क्षेत्रबाट ट्रकमा लोड गरेर लैजाँदै गरिएको ७ हजार ८२६ किलो ८०० ग्राम गाँजा बरामद गरेको हो।

बरामद गाँजाको परिमाण साढे सात हजार किलोभन्दा बढी छ। सशस्त्र प्रहरीले यो बरामदीलाई ठूलो परिमाणको बरामदीका रूपमा जनाएको छ।

यसअघि सरकारले सीमा क्षेत्रमा हुने अवाञ्छित गतिविधि नियन्त्रणका लागि निगरानी र सुरक्षा व्यवस्था कडा बनाउने नीतिअनुरूप सशस्त्र प्रहरीमार्फत कारबाही तीव्र पारेको जनाएको छ।