कुलेखानी बाँध फुट्ने प्रचार भ्रामक, जलसतह नियन्त्रणमा राख्न पूर्ण क्षमतामा बिजुली उत्पादन

मकवानपुरको कुलेखानी बाँध फुट्ने वा ढोका खोलिएको प्रचार भ्रामक रहेको आयोजनाले जनाएको छ। कुलेखानी प्रथमका प्रमुख प्रह्लाद राउतका अनुसार भाइरल भिडियो पुराना हुन् र जलाशय भरिन अझै करिब ७ मिटर बाँकी छ। तीनवटै युनिट पूर्ण क्षमतामा चलाएर जलसतह नियन्त्रणमा राखिएको छ। बाँध खोल्नुअघि एसएमएस पठाइने र तीन पटक साइरन बजाइने व्यवस्था छ। इन्द्रसरोवर गाउँपालिकाले भ्रामक प्रचारको पछि नलाग्न आग्रह गरेको छ। गाउँपालिकाले वडा नम्बर २ र ३ का खोला किनारका बासिन्दालाई सुरक्षित स्थानमा रहन पनि भनेको छ।