गृह मन्त्रालयले एकैपटक १०० कर्मचारी सरुवा गर्‍यो

गृह मन्त्रालयले एकैपटक १०० जना कर्मचारीको सरुवा गरेको छ। यो सरुवा सोमबार, असोज १२ गतेदेखि लागू भएको छ। सरुवामा परेकामध्ये धेरैजसो नायब सुब्बा वा सो सरहका कर्मचारी छन्।

सरुवा हुनेहरू जिल्ला प्रशासन कार्यालय, कारागार कार्यालय र अध्यागमन कार्यालयजस्ता संवेदनशील निकायमा कार्यरत थिए। सेवा प्रवाहको आवश्यकता र औचित्य हेरेर यो हेरफेर गरिएको बताइएको छ। तीमध्ये अधिकांशलाई आफू कार्यरत रहेकै जिल्लाभित्रको अर्को कार्यालयमा जिम्मेवारी तोकिएको छ।

मन्त्रालयले सरुवा भएका कर्मचारीको नाम, साविक कार्यालय र नयाँ कार्यालय खुलाएर विवरण सार्वजनिक गरेको छ।