राष्ट्र बैंकले आज र भोलि सुन-चाँदीका सिक्का बेच्ने, खरिदकर्तालाई परिचयपत्र अनिवार्य

नेपाल राष्ट्र बैंकले आजदेखि सुन (असर्फी) र चाँदी (मेडालियन) का सिक्का बेच्न सुरु गरेको छ। आज र भोलि गरी दुई दिन यी सिक्का किन्न पाइनेछ।

बबरमहलस्थित टक्सार महाशाखाबाट बिहान ११ बजेदेखि दिउँसो ३ बजेसम्म सिक्का बिक्री हुनेछ।

सिक्का किन्न चाहनेले परिचय खुल्ने कागजात लिएर जानुपर्ने राष्ट्र बैंकले जनाएको छ। खरिदकर्ता नेपाली नागरिकता, राष्ट्रिय परिचयपत्र वा नम्बर खुलेको अन्य प्रमाणपत्रको प्रतिलिपिसहित टक्सार महाशाखामा आफैं उपस्थित हुनुपर्नेछ।

राष्ट्र बैंकले टक्सार महाशाखामार्फत सुन र चाँदीका सिक्का बिक्री गर्छ। परिचयपत्र नलिई जाने व्यक्तिले सिक्का किन्न पाउने छैनन्। त्यसैले इच्छुक व्यक्तिले तोकिएको समयभित्रै आवश्यक कागजात लिएर टक्सार महाशाखा पुग्नुपर्ने बैंकले जनाएको छ।