जी–७ राष्ट्रहरूले रणनीतिक भण्डारबाट १० करोड ब्यारेल तेल बजारमा ल्याउने

जी–७ राष्ट्रहरूले आफ्नो रणनीतिक भण्डारबाट १० करोड ब्यारेल कच्चा तेल तथा डिजेल बजारमा ल्याउने सहमति गरेका छन्। विश्वव्यापी ऊर्जा आपूर्ति संकट र बढ्दो इन्धन मूल्य नियन्त्रण गर्न यो तेल चार महिनाभित्र बजारमा ल्याइनेछ।

अमेरिकी राष्ट्रपति डोनाल्ड ट्रम्पको चेतावनीपछि जी–७ ले यो निर्णय गरेको हो। संयुक्त राज्य अमेरिकासहित ठूलो अर्थतन्त्र भएका राष्ट्रहरूको यो समूहले यस कदमले आगामी दिनमा डिजेलको 'पर्याप्त आपूर्ति' सुनिश्चित गर्ने जनाएको छ।

तर, १० करोड ब्यारेलमध्ये कुन देशले कति डिजेल वा कच्चा तेल छोड्ने भन्ने अझै स्पष्ट भइसकेको छैन।