तातोपानी नाका नियमित सञ्चालनको माग, दुई दिनमा १० कन्टेनर मात्र भित्रिए

सिन्धुपाल्चोकस्थित नेपाल–चीनको तातोपानी नाका नियमित रूपमा सञ्चालन गर्न माग गरिएको छ। यो नाका यही कात्तिक १ गतेदेखि अस्थायी रूपमा सञ्चालनमा ल्याइएको हो।

नाका नियमित रूपमा सञ्चालन गर्नुपर्ने माग नेपाल हिमालय सीमापार बाणिज्य संघका तर्फबाट उठाइएको हो।

अस्थायी रूपमा खुलेपछिको दुई दिनमा यो नाकाबाट जम्मा १० वटा कन्टेनर मात्र नेपाल भित्रिएका छन्।

नाका अस्थायी रूपमा मात्र खुलेकाले नियमित सञ्चालनको माग उठेको हो। सिन्धुपाल्चोकको यो नाका नेपाल र चीनबीचको सीमापार व्यापार नाका हो।