पाकिस्तानको पेशावरमा विद्यालयको छत भत्कियो, कम्तीमा ३३ जनाको मृत्यु

पाकिस्तानको पेशावरस्थित अफ्रिदी आबाद क्षेत्रमा एक विद्यालयको छत भत्किँदा कम्तीमा ३३ जनाको मृत्यु भएको छ। मृत्यु हुनेमा ३२ जना विद्यार्थी र एक जना महिला शिक्षिका रहेको क्लिकमाण्डूले जनाएको छ।

उज्यालोले भने घटनामा ३४ जनाको ज्यान गएको उल्लेख गरेको छ। ज्यान गुमाउनेमध्ये धेरैजसो १३ वर्षभन्दा कम उमेरका बालबालिका रहेका छन्।

घटनापछि प्रहरीले विद्यालयका सञ्चालकलाई पक्राउ गरेको छ। घाइते तथा मृतकलाई पेशावरको लेडी रिडिङ अस्पताल लगिएको थियो।