आईएमएफ: युद्धका कारण मध्यपूर्वको अर्थतन्त्र सुस्त हुने

अन्तर्राष्ट्रिय मुद्रा कोष आईएमएफले युद्धको असरका कारण मध्यपूर्वका ऊर्जा सम्पन्न अर्थतन्त्र मध्यकालमा युद्धअघिको अवस्थामा नफर्कने जनाएको छ। आईएमएफका क्षेत्रीय निर्देशक जिहाद अजोरले बिहीबार पत्रकारसँग यस्तो बताउनुभएको छ। उहाँका अनुसार युद्धले विभिन्न क्षेत्रमा दीर्घकालीन क्षति पुर्‍याउने, पूर्वाधारमा अवरोध ल्याउने र जोखिम थेग्न थप खर्च माग्नेछ।

ती देशका अर्थतन्त्र सुध्रिन समय लाग्ने कोषको भनाइ छ। आईएमएफले खाडी मुलुकहरूको अर्थतन्त्र सङ्कुचित हुने प्रक्षेपण गरेको छ। इरानबाट सुरु भएको युद्ध साउदी अरब र यमनसम्म फैलिएको छ।

साउदी अरब र यमनका हुथी विद्रोहीबीच लडाइँ जारी रहेकै बेला कोषले यो चेतावनी दिएको हो। युद्धका कारण समुद्री मार्गबाट हुने ऊर्जा ढुवानीमा अवरोध आएको छ, जसले विश्वव्यापी ऊर्जा आपूर्तिमा चिन्ता बढाएको छ। यसै साता बैंककमा अधिकारी र विज्ञहरू भेला भएका बेला आईएमएफको यो चेतावनी आएको हो।