हिमलुङ हिमपहिरो: थप ३ जनाको शव फेला, मृतक ७ पुगे, ९ जना अझै बेपत्ता

मनाङको नार्फाभूमि गाउँपालिका–५ स्थित हिमलुङ हिमालमा गएको हिमपहिरोमा हराइरहेकामध्ये थप तीन जनाको शव फेला परेको छ। बुधबार शव फेला परेसँगै हिमपहिरोमा परी मृत्यु हुनेको सङ्ख्या ७ पुगेको छ।

जिल्ला प्रशासन कार्यालयका अनुसार गोरखाका ५८ वर्षीय आश गुरुङ, खोटाङका २१ वर्षीय सुरज राई र रुकुमका ५७ वर्षीय कलम बुढाको शव फेला परेको हो। तीनै जनाको शव बेसक्याम्पबाट निकालिएको छ।

हिमपहिरोमा परेकामध्ये ९ जना अझै बेपत्ता छन्।