न्यायाधीशबीच इजलास गठनमा विमति, बुधबार सर्वोच्चको संवैधानिक इजलास बस्न सकेन

सर्वोच्च अदालतको संवैधानिक इजलास बुधबार बस्न सकेन। इजलास गठनको प्रक्रियामा न्यायाधीशहरूबीच विमति भएपछि इजलास बस्न नसकेको हो।

संवैधानिक इजलास गठनमा प्रधानन्यायाधीशको तजबिजमाथि सर्वोच्च अदालतकै न्यायाधीशले प्रश्न उठाएका थिए। त्यसपछि बुधबार संवैधानिक इजलास नै बस्न सकेन।

दैनिक पेसी सूची प्रकाशित भइसकेपछि पनि इजलास बसेन। पेसी सूचीमा मुद्दा चढिसकेपछि पनि इजलास नबस्दा त्यहाँ सुनुवाइ हुन सकेन।

संवैधानिक इजलास गठनमा प्रधानन्यायाधीशको भूमिकाबारे न्यायाधीशहरूबीच मतभेद देखिएपछि यो विषय सर्वोच्च अदालतभित्र विवादको विषय बनेको छ।