भोटेकोशी बाढी: अब ‘सर्च एन्ड रेस्क्यु’ होइन, ‘सर्च एन्ड रिकभरी’ गरिने

भोटेकोशी बाढीपछि बेपत्ता भएकाहरूको खोजीलाई सरकारले अब ‘सर्च एन्ड रेस्क्यु’ बाट ‘सर्च एन्ड रिकभरी’ मा लैजाने निर्णय गरेको छ।

गत भदौ १० गते भोटेकोशीमा आएको बाढीले रसुवा र छिमेकी जिल्लाका जलविद्युत् आयोजनामा क्षति पुर्‍याएको थियो। बाढी आएको एक महिनाभन्दा बढी भइसक्दा पनि बेपत्ता मजदुर र कर्मचारीको खोजी जारी छ।

लामो समय खोजी गर्दा पनि बेपत्ताहरू जीवितै भेटिने सम्भावना कम हुँदै गएकाले सरकारले यो निर्णय गरेको हो। अब खोजीलाई पुनःप्राप्ति र पुनरुत्थानसँग जोडेर अघि बढाइनेछ।

यसअनुसार बेपत्ता मजदुरहरूको खोजीसँगै बाढीले क्षति पुर्‍याएका जलविद्युत् आयोजनाहरूलाई पुनः सञ्चालनमा ल्याउने कामलाई पनि प्राथमिकता दिइनेछ।