कांग्रेस महाधिवेशनको उद्घाटनमा एमाले अध्यक्ष ओली नजाने, प्रचण्ड जाने

नेपाली कांग्रेसको १५औँ महाधिवेशनको उद्घाटन समारोह आज दिउँसो २ बजे काठमाडौंको खुलामञ्चमा हुँदै छ। कांग्रेसले यो समारोहका लागि विभिन्न राजनीतिक दलका शीर्ष नेतालाई निम्तो पठाएको छ।

तर निम्तो पाउने सबै दलका प्रमुख नेता समारोहमा जाने छैनन्। एमाले अध्यक्ष केपी शर्मा ओली उद्घाटनमा अतिथिका रूपमा जाने छैनन्। उनको सट्टा एमाले महासचिवले महाधिवेशनलाई शुभकामना दिनेछन्।

प्रचण्ड भने उद्घाटन समारोहमा सहभागी हुने भएका छन्।

उद्घाटन समारोहमा विभिन्न दलका नेता आउने बताइएको छ। समारोह सकिएपछि खुलामञ्चमै बनाइएका हलहरूमा महाधिवेशनको बन्दसत्र चल्नेछ।