नयाँ नेतृत्वको कांग्रेसमा मधेसी दलितको प्रतिनिधित्वमा प्रश्न

नेपाली कांग्रेसको १५औँ महाधिवेशनपछि गगनकुमार थापाको नेतृत्वमा नयाँ कार्यसमिति चयन भएको छ। नयाँ नेतृत्व आएपछि पार्टीमा 'गगन युग' सुरु भएको दाबी गरिएको छ। तर समावेशी प्रतिनिधित्वबारे प्रश्न उठेको छ।

एक विश्लेषणअनुसार शीर्ष ९ पदमध्ये ८ मा खस–आर्य र १ मा मधेसी समुदायका नेता पुगेका छन्। दलित, जनजाति, थारू र मुस्लिम समुदायबाट शीर्ष पदमा कोही नपुगेको सो विश्लेषणमा उल्लेख छ। महाधिवेशनबाट २३१ केन्द्रीय सदस्य निर्वाचित भएका छन्।

सभापतिले थप ६६ जना मनोनीत गर्न पाउनुहुन्छ। यसपछि केन्द्रीय समिति २९७ सदस्यीय हुनेछ। विश्लेषणमा कांग्रेसको इतिहास, सङ्गठन र विधानले परिकल्पना गरेको समावेशिताको तुलनामा महाधिवेशनको नतिजा केलाइएको छ।