बागमतीका पूर्वमुख्यमन्त्री इन्द्र बानियाँका छोरा दिक्षान्त बैंकिङ कसुरमा पक्राउ

बागमती प्रदेशका पूर्वमुख्यमन्त्री इन्द्र बानियाँका छोरा दिक्षान्त बानियाँ बैंकिङ कसुर तथा सजाय ऐन, २०६४ अन्तर्गतको मुद्दामा पक्राउ परेका छन्।

नेपाल राष्ट्र बैंकको पत्र जाहेरीका आधारमा दर्ता भएको बैंकिङ कसुर मुद्दामा उनी प्रतिवादी रहेका छन्। सोही मुद्दामा नेपाल प्रहरीले उनलाई पक्राउ गरेको हो।

मकवानपुरको हेटौँडा उपमहानगरपालिका–१८ निवासी बानियाँविरुद्ध बैंकिङ कसुर तथा सजाय ऐन, २०६४ अन्तर्गत अनुसन्धान भइरहेको छ।

बैंकिङ कसुर तथा सजाय ऐनअन्तर्गत दर्ता भएको यो मुद्दामा अनुसन्धान जारी रहेको छ।