निर्वाचन आयोगले मतदाता नामावलीबाट दुई लाखभन्दा बढी नाम हटायो

निर्वाचन आयोगले मतदाता नामावली अद्यावधिक गर्ने क्रममा करिब २ लाख ३ हजार ६ सय नाम हटाएको छ। आयोगका अनुसार हटाइएकामध्ये करिब ४५ हजार नाम मृत्यु भएका मतदाताका हुन्। बाँकी करिब १ लाख ५८ हजार नाम दोहोरो दर्ता, लगत कट्टा र नागरिकता त्यागका कारण हटाइएका छन्।

झापा, मोरङ, सप्तरी र कैलालीमा तुलनात्मक रूपमा धेरै नाम हटेका छन्। मोरङमा मृत्युका कारण करिब ६ सय र अन्य कारणले करिब ९ हजार ५ सय गरी करिब १० हजार १ सय नाम कटौती भएका छन्। झापामा मृत्युका कारण करिब ८ सय र अन्य कारणले करिब ६ हजार २ सय गरी करिब ७ हजार नाम हटाइएका छन्।

सुनसरीमा पनि उल्लेख्य सङ्ख्यामा नाम हटाइएको छ।