भरतपुरमा बिलबिजक बिनाका ६३ थान मोबाइलसहित दुई जना पक्राउ

चितवनमा बिलबिजक बिना बिक्रीका लागि राखिएका ६३ थान मोबाइलसहित दुई जनालाई पक्राउ गरिएको छ।

जिल्ला प्रहरी कार्यालय चितवनका अनुसार प्रहरीले भरतपुर महानगरपालिका–१० स्थित हाकिमचोकबाट उनीहरूलाई मोबाइलसहित नियन्त्रणमा लिएको हो।

बरामद गरिएका मोबाइलमा आइफोनसमेत रहेको जनाइएको छ। ती मोबाइल बिलबिजक बिना नै बिक्री तथा ओसारपसारका लागि राखिएको प्रहरीले जनाएको छ।

पक्राउ परेका दुवै जना प्रहरी नियन्त्रणमा छन्। घटनाबारे थप अनुसन्धान भइरहेको छ।