चार देशका लागि प्रस्तावित राजदूतको आज संसदीय सुनुवाइ

सङ्घीय संसद्‌अन्तर्गतको संसदीय सुनुवाइ समितिले विभिन्न देशका लागि प्रस्तावित चार जना राजदूतको संसदीय सुनुवाइ आज सोमबार गर्दै छ।

समितिको १७औँ बैठक बिहान ९:१५ बजे सिंहदरबारस्थित संसद् सचिवालयको सार्वजनिक लेखा समितिको सभाकक्षमा बस्दै छ। चार देशका लागि प्रस्तावित राजदूतहरूको सुनुवाइ यही बैठकको कार्यसूचीमा छ।

प्रस्तावित राजदूतहरूले द्विपक्षीय कूटनीतिक सम्बन्ध विस्तार र उच्चस्तरीय राजनीतिक भ्रमणका साथै आर्थिक कूटनीतिलाई प्राथमिकतामा राखेर आफ्ना कार्ययोजना सङ्घीय संसद्‌समक्ष प्रस्तुत गरेका छन्।

संसदीय सुनुवाइ समितिले प्रस्तावित राजदूतहरूका कार्ययोजनामाथि छलफल गरी सुनुवाइ प्रक्रिया अघि बढाउने छ।