भसभसेमा सडक भासियो, म्याग्दी–मुस्ताङ जोड्ने बागलुङ–बेनी सडकमा यातायात प्रभावित

म्याग्दीको बेनी नगरपालिका–२ स्थित भसभसेमा सडक भासिँदा यातायात सञ्चालनमा समस्या भएको छ।

भसभसेको पहिरो म्याग्दी र मुस्ताङलाई राष्ट्रिय राजमार्गसँग जोड्ने वैकल्पिक बागलुङ–बेनी सडकको मुख्य चुनौती बनेको छ। असोज ८ देखि ११ गतेसम्म परेको झरीपछि यहाँ सडक भासिएको हो।

सडक भासिएपछि यो खण्डमा सवारी साधन चलाउन कठिन भएको छ। भसभसेको पहिरोले म्याग्दी र मुस्ताङ जोड्ने सडक अवरुद्ध भएको छ।

बागलुङ–बेनी सडक म्याग्दी र मुस्ताङलाई राष्ट्रिय राजमार्गसँग जोड्ने वैकल्पिक मार्ग हो। दसैँका बेला यही खण्डमा सडक भासिँदा यात्रु र ढुवानीमा असर परेको छ।