भोटेकोशी बाढी: खोज–उद्धार रोकियो, अब पुनर्निर्माण

सरकारले अत्यावश्यक कामबाहेक भोटेकोशी–त्रिशूली बाढीपछिको खोज तथा उद्धार चरण हाललाई रोक्ने निर्णय गरेको छ। प्रधानमन्त्री बालेन्द्र शाहको अध्यक्षतामा सोमबार सिंहदरबारमा बसेको बैठकले यो निर्णय गरेको हो। अब प्रभावित क्षेत्रमा पुनर्निर्माण र पुनर्स्थापनालाई प्राथमिकता दिइने छ।

सम्बन्धित निकायलाई यो काम तीव्र बनाउन निर्देशन दिइएको छ। यसैबीच नुवाकोट–रसुवा जोड्न बेत्रावतीमा फलाखु खोलामाथि बेलिब्रिज राख्ने काम सुरु भएको छ। उक्त पुल दसैँअघि सञ्चालनमा ल्याउने लक्ष्य राखिएको छ।

प्रधानमन्त्री शाहले प्रभावित प्रदेशका मुख्यमन्त्रीहरूसँगको बैठकमा विपद् व्यवस्थापनको काम छिटो सक्ने आश्वासन दिएका छन्। उनका अनुसार संघ, प्रदेश र स्थानीय सरकारबीच समन्वय गरेर काम भइरहेको छ।