लुम्बिनी प्रदेशमा चार दिनमा ७८ विपद्का घटना, ६ जनाको मृत्यु, १,२८० विस्थापित

लुम्बिनी प्रदेशमा असोज ८ देखि ११ गतेसम्मको चार दिनमा ७८ वटा विपद्का घटना भएका छन्। प्रदेश आपत्कालीन कार्यसञ्चालन केन्द्र (पिइओसी) ले यस्तो जानकारी दिएको हो।

केन्द्रका अनुसार ती विपद्का घटनामा परी ६ जनाको मृत्यु भएको छ। विपद्का कारण १,२८० जना विस्थापित भएका छन्।

यही अवधिमा परेको अविरल वर्षाका कारण देशका विभिन्न स्थानमा बाढी, पहिरो र डुबानका घटना भएका थिए। लुम्बिनी प्रदेशमा भएका घटनाको विवरण प्रदेश आपत्कालीन कार्यसञ्चालन केन्द्रले सार्वजनिक गरेको हो।