भक्तपुरको सूर्यविनायकमा कवाडी गोदाममा आगलागी, करिब ५० लाख रुपैयाँ क्षति

भक्तपुरको सूर्यविनायक नगरपालिका–८ स्थित कपाली टोलमा रहेको एउटा कवाडी गोदाममा सोमबार बिहान आगलागी भएको छ। प्रहरी वृत्त जगाती, भक्तपुरका अनुसार आगो बिहान करिब साढे ६ बजे लागेको थियो।

दमकलको सहायताले आगो नियन्त्रणमा लिइएको छ। आगलागीबाट करिब ५० लाख रुपैयाँ बराबरको क्षति भएको अनुमान छ।

कवाडी सामान राखिएको गोदाममा तार सर्ट हुँदा ग्यास पड्किएर आगलागी भएको बताइएको छ।

गोरखापत्रका अनुसार आगलागी भएको स्थान जगातीको कँपलिचोकमा सञ्चालित प्लास्टिक दाना बनाउने कारखाना हो। नवराज भट्टले उक्त कारखाना सञ्चालन गर्दै आएका थिए।