बुल्गेरियाको तट नजिकै दुई व्यापारिक जहाजमा ड्रोन आक्रमण, एउटा डुब्यो

बुल्गेरियाको तट नजिकै मंगलबार दुई व्यापारिक जहाजमाथि ड्रोन आक्रमण हुँदा कम्तीमा एउटा जहाज डुबेको बुल्गेरियाको सरकारी सूचना सेवाले जनाएको छ। प्रधानमन्त्री रुमेन रादेवका अनुसार पहिलो आक्रमण स्थानीय समयअनुसार बिहान करिब डेढ बजे बायला सहरदेखि १८ समुद्री माइल पूर्वमा भएको थियो। निशाना बनेको 'चेल्सी ३' जहाज माल्टाको झन्डामा चलेको थियो भने यसको स्वामित्व युक्रेनको र दर्ता ओडेसामा भएको थियो।

चालक दलका सदस्यहरूका अनुसार तीनवटा हवाई ड्रोनले जहाजमा प्रहार गरेका थिए। जहाजमा रहेका युक्रेनका सात र अजरबैजानका आठ गरी १५ जना चालक दललाई बुल्गेरियाली अधिकारीहरूले सुरक्षित निकालेर भर्ना बन्दरगाह पुर्‍याएका छन्। दोस्रो आक्रमण क्रापेत्स सहरदेखि करिब १७ समुद्री माइल पूर्वमा अर्को व्यापारिक जहाजमाथि भएको अधिकारीहरूले जनाएका छन्।

अधिकारीहरूका अनुसार उक्त जहाज डुबेको छ।