गगन थापाको राजनीतिक प्रतिवेदन : उद्देश्यभन्दा पद र सत्ता रोज्दा कांग्रेस जनताबाट टाढियो

नेपाली कांग्रेसका सभापति गगनकुमार थापाले पार्टीको १५औँ महाधिवेशनमा प्रस्तुत गर्ने राजनीतिक प्रतिवेदनमा पछिल्ला दुई दशकको राजनीतिक यात्रामा कांग्रेसबाट भएका कमजोरीमाथि आत्मसमीक्षा गरेका छन्।

प्रतिवेदनमा उद्देश्यभन्दा पद र सत्ता रोज्दा कांग्रेस जनताबाट टाढिएको निष्कर्ष निकालिएको छ। थापाले भदौको जनउभारलाई लिएर देखिएका दुई प्रवृत्तिमाथि पनि टिप्पणी गरेका छन्।

यसैगरी, सभापति थापाले देश, लोकतन्त्र र कांग्रेसको आगामी दिशासहित ‘राष्ट्रिय पुनर्जागरण र समुन्नतिको आगामी दशक’को दृष्टिकोण पनि अघि सारेका छन्। महाधिवेशनअन्तर्गत आज हुने बन्दसत्रमा उनले यो दृष्टिकोण सार्वजनिक गर्ने कार्यक्रम छ।