बझाङको सुर्मामा जिप दुर्घटना, चालकको मृत्यु, दुई जना घाइते

बझाङको सुर्मा गाउँपालिकामा बोलेरो जिप दुर्घटना हुँदा चालकको घटनास्थलमै मृत्यु भएको छ। दुर्घटनामा अन्य दुई जना घाइते भएका छन्।

सुर्मा गाउँपालिका–४ दौतडाबाट सदरमुकाम चैनपुरतर्फ आउँदै गरेको जिप चैनपुर–दौलीचौर भित्री सडकखण्डअन्तर्गत सुर्मा गाउँपालिका–२ दोगडीमा बिहान दुर्घटनाग्रस्त भएको हो।

दुर्घटनामा मृत्यु हुनेमा जिप चालक सुर्मा गाउँपालिका–४ का २७ वर्षीय कुन्दन बोहरा रहेका छन्। उनको घटनास्थलमै मृत्यु भएको थियो।

जिपमा सवार अन्य दुई जना घाइते भएका छन्। घटनाबारे प्रहरीले विवरण सार्वजनिक गरेको छ।