नेपाल फुटबल लिग आगामी फागुनदेखि, सात टोली होम एन्ड अवेमा खेल्ने

नेपाली फुटबललाई व्यावसायिक बनाउने उद्देश्यसहित नेपाल फुटबल लिग (एनएफएल) आगामी फागुन महिनामा हुने भएको छ। प्रतियोगितामा विभिन्न सात टोली सहभागी हुनेछन् र खेल होम एन्ड अवेका आधारमा सञ्चालन हुनेछ।

नेपाली फुटबलको फ्रेन्चाइज लिग नेपाल सुपर लिग (एनएसएल) का क्लबहरू मिलेर एनएफएल आयोजना गर्ने तथा खेल्ने भएका हुन्।

यसअघि सेप्टेम्बर ५ मा एनएसएल आयोजना गर्ने घोषणा गरिएको थियो। शिक्षा तथा खेलकुदमन्त्री नै उपस्थित भएर एनएसएल सिजन ४ को घोषणा गरिए पनि आयोजक र क्लबहरूबीच सहमति हुन सकेन।

सोही असहमतिपछि क्लबहरूले छुट्टै नेपाल फुटबल लिग सञ्चालन गर्ने निर्णय गरेका हुन्।