आईसीसी एसिया सम्मेलन नोभेम्बर १९ देखि २१ सम्म नेपालमा हुने

अन्तर्राष्ट्रिय क्रिकेट परिषद् (आईसीसी) को एसिया सम्मेलन नेपालमा आयोजना हुने भएको छ। सम्मेलन आगामी नोभेम्बर १९ देखि २१ सम्म हुनेछ।

सम्मेलनमा सहभागी हुने प्रतिनिधिहरू नोभेम्बर १७ देखि नै नेपाल आइपुग्नेछन्। नेपाल क्रिकेट संघ (क्यान) ले आईसीसीको सहकार्यमा सम्मेलनको आयोजना गर्न लागेको हो।

क्यानको व्यवस्थापन तथा आईसीसीको सहकार्यमा हुने यो सम्मेलनमा एसियाली क्षेत्रका क्रिकेट प्रतिनिधिहरू सहभागी हुने बताइएको छ।

सम्मेलन नेपालमा आयोजना हुने भएको जानकारी शुक्रबार सार्वजनिक गरिएको हो।