पाकिस्तान टी–२० कप्तान साहिबजादा फरहान एनपीएलमा कर्णाली याक्सबाट खेल्ने

पाकिस्तान टी–२० टोलीका कप्तान साहिबजादा फरहानले नेपाल प्रिमियर लिग (एनपीएल) २०२६ को तेस्रो संस्करणमा कर्णाली याक्सबाट खेल्ने भएका छन्।

कर्णाली याक्सले शुक्रबार फरहानलाई टोलीमा अनुबन्ध गरेको हो। टेस्ट राष्ट्र पाकिस्तानको टी–२० टोलीका कप्तानसमेत रहेका उनलाई अनुबन्ध गरिएको जानकारी टोलीले दिएको छ।

फरहानले टी–२० विश्वकप २०२६ मा ६ खेलबाट ३८३ रन जोडेका थिए। उक्त प्रदर्शनमार्फत उनले विश्वकपमा कीर्तिमान बनाएका थिए।

फरहानसँगको अनुबन्धपछि उनी एनपीएलको आगामी संस्करणमा कर्णाली याक्सको टोलीबाट मैदानमा उत्रनेछन्। एनपीएलको तेस्रो संस्करणका लागि टोलीहरूले खेलाडी अनुबन्ध गर्ने क्रम जारी राखेका छन्।