भारतबाट हुने फूल आयातमा रोक लगाउन झापाका किसानको प्रशासनसँग माग

फूलको व्यावसायिक खेती गरिरहेका झापाका किसानहरूले भारतबाट हुने फूलको आयातमा रोक लगाउन प्रशासनसँग माग गरेका छन्।

स्वदेशी सयपत्री फूलले बजार नपाउने अवस्था आउन नदिन किसानहरूले यस्तो माग गरेका हुन्। उनीहरूले भारतबाट हुने फूलको आयात रोकेर स्थानीय उत्पादनलाई बजार दिन आग्रह गरेका छन्।

तिहारमा सयपत्रीलगायतका फूलको माग बढ्ने भएकाले आयात भएमा स्वदेशी उत्पादन बिक्री हुन नसक्ने चिन्ता किसानहरूको छ। झापामा व्यावसायिक रूपमा सयपत्री फूल खेती गर्ने किसानहरूले प्रशासनसमक्ष आफ्नो माग राखेका हुन्।